T20 World Cup 2024: T-20 বিশ্বকাপত আন এক অঘটন! ছুপাৰ এইটত আফগানিস্তানৰ হাতত পৰাস্ত অষ্ট্ৰেলিয়া

অতি ৰোমাঞ্চকৰ খেলখনত অষ্ট্ৰেলিয়াৰ বিৰুদ্ধে আফগানিস্তানৰ দলটোৱে জয় নিশ্চিত কৰে। প্ৰথমে বেটিং কৰি আফগানিস্তানৰ ৰহমানুল্লাহ গুৰবাজ আৰু ইব্ৰাহিম জাদ্ৰানৰ অৰ্ধশতকৰ সহায়ত ৬ উইকেটত ১৪৮ ৰান সংগ্ৰহ কৰে। অষ্ট্ৰেলিয়াই লক্ষ্য সংগ্ৰহৰ দিশে আগবাঢ়ি ১২৭ ৰানতে আটাইকেইটা উইকেট হেৰুৱাই আফগানিস্তানৰ সন্মুখত পৰাজয় স্বীকাৰ কৰে।

হয়তো আইচিচি টি-২০ বিশ্বকাপৰ ইতিহাসত আটাইতকৈ ডাঙৰ ঘটনা এইবাৰ দেখা গৈছে। অতি ৰোমাঞ্চকৰ খেলখনত অষ্ট্ৰেলিয়াৰ বিৰুদ্ধে আফগানিস্তানৰ দলটোৱে জয় নিশ্চিত কৰে। প্ৰথমে বেটিং কৰি আফগানিস্তানৰ ৰহমানুল্লাহ গুৰবাজ আৰু ইব্ৰাহিম জাদ্ৰানৰ অৰ্ধশতকৰ সহায়ত ৬ উইকেটত ১৪৮ ৰান সংগ্ৰহ কৰে। অষ্ট্ৰেলিয়াই লক্ষ্য সংগ্ৰহৰ দিশে আগবাঢ়ি ১২৭ ৰানতে আটাইকেইটা উইকেট হেৰুৱাই আফগানিস্তানৰ সন্মুখত পৰাজয় স্বীকাৰ কৰে।

আইচিচি টি-২০ বিশ্বকাপত অষ্ট্ৰেলিয়াৰ দৰে শক্তিশালী দল এটা আফগানিস্তানৰ দৰে দল এটাৰ সমুখত পৰাজয় বৰণ কৰাৰ ঘটনা স্বাভাৱিকতে ক্ৰিকেটানুৰাগীৰ মাজত উদ্ৰেকৰ সৃষ্টি কৰিছে। টছত পৰাস্ত হোৱাৰ পিছত আফগান দলটোৱে প্ৰথমে বেটিং কৰিবলৈ আহিছিল আৰু অ’পেনাৰ ৰহমানুল্লাহ গুৰবাজ আৰু ইব্ৰাহিম জাদ্ৰানৰ শতকীয় অংশীদাৰিত্বই তেওঁলোকক এক সুদৃঢ় আৰম্ভণি দিছিল। দুয়োগৰাকী বেটছমেনে অৰ্ধশতকৰ বৰঙণি আগবঢ়াই আউট হৈছিল। গুৰবাজৰ ৬০ ৰান আৰু জাদ্ৰানৰ ৫১ ৰানৰ বাবেই আফগান দলটোৱে অষ্ট্ৰেলিয়াৰ বিৰুদ্ধে যুঁজ দিয়াৰ এক যোগ্য স্ক’ৰ অৰ্জন কৰে।